မြန်မာနိုင်ငံ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင်နှင့် တရုတ်နိုင်ငံ နိုင်ငံခြားရေးဝန်ကြီး ယန်ကျိချီ
မြန်မာနိုင်ငံ မြောက်ပိုင်းတွင် အမေရိကန်ဒေါ်လာ ၃ ဒသမ ၆ ဘီလျံကျော် အကုန်အကျခံ တည်ဆောက်မည့် ဧရာဝတီမြစ်ဆုံစီမံကိန်း ရပ်ဆိုင်းထားမှုနှင့်ပတ်သက်ပြီး ညှိ နှိုင်းဆောင်ရွက်သွားရန် မြန်မာနှင့် တရုတ် နှစ်နိုင်ငံ နိုင်ငံခြားရေး ၀န်ကြီးများက အောက်တိုဘာလ ၁၀ ရက်တွင် သဘောတူညီမှု ရရှိခဲ့ကြောင်း တရုတ်နိုင်ငံခြားရေးဝန်ကြီး၏ ပြောကြားချက်ကို ကိုးကား၍ တရုတ်နိုင်ငံပိုင် ဆင်ဟွာသတင်းဌာနက ဖော်ပြခဲ့သည်။
တရုတ်နိုင်ငံ၊ ပေကျင်းမြို့တွင် တွေ့ဆုံဆွေးနွေးမှုအတွင်း မြန်မာနိုင်ငံ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးဝဏ္ဏမောင်လွင် နှင့်တရုတ်နိုင်ငံ နိုင်ငံခြားရေးဝန်ကြီး အကြား ယင်းကဲ့သို့ သဘောတူညီမှု ရရှိခဲ့ခြင်းဖြစ်ပြီး နှစ်နိုင်ငံအကြား အပြန်အလှန် ယုံကြည်မှုရရှိနိုင်ရေး အတွက် ပူးပေါင်းဆောင်ရွက်မှုတိုး မြှင့်ရန်လည်း ကတိပြုခဲ့ကြောင်း သိရသည်။ ဦးဝဏ္ဏမောင်လွင်သည် နိုင်ငံတော်သမ္မတ ဦးသိန်းစိန်၏ တရုတ်နိုင်ငံဆိုင်ရာ အထူးကိုယ်စားလှယ်အဖြစ် တရုတ်နိုင်ငံသို့ သွားရောက်ခဲ့ခြင်းဖြစ်သည်။
အနာဂတ်တွင် တရုတ် သမ္မတ ဖြစ်လာဖွယ်ရှိသော ဒုတိယသမ္မတ ရှီကျင်ပင်းနှင့်လည်း မြန်မာနိုင်ငံ နိုင်ငံခြားရေးဝန်ကြီးဌာန ပြည်ထောင်စုဝန်ကြီးက တွေ့ဆုံခဲ့ကြောင်း သိရသည်။ ယခုတွေ့ဆုံမှုမှာ မြစ်ဆုံ စီမံကိန်းရပ်ဆိုင်းပြီး နောက်ပိုင်း နှစ်နိုင်ငံအစိုးရတာဝန်ရှိသူများ အကြား ပထမဆုံးအကြိမ် တွေ့ဆုံမှုဖြစ်သည်။
မြန်မာဒုတိယသမ္မတ သီဟသူရ ဦးတင်အောင်မြင့်ဦးသည် ယခုလ အတွင်း တရုတ်နိုင်ငံသို့ သွားရောက်၍ မြစ်ဆုံစီမံကိန်း ရပ်ဆိုင်းခဲ့ခြင်းနှင့် ပတ်သက်ပြီး ဆွေးနွေးမှုပြုလုပ်မည်ဟု မြန်မာအစိုးရ တာဝန်ရှိသူများက အောက်တိုဘာလ ၇ ရက်တွင် ပြောကြားခဲ့သည်။
တရုတ်နိုင်ငံ၏ စွမ်းအင်လိုအပ်ချက် ပြည့်မီရေး အတွက်သာ အဓိက ထားတည်ဆောက်မည့် ယင်းမြစ်ဆုံ စီမံကိန်းကို မြန်မာအစိုးရဘက်မှ ရပ်ဆိုင်းခြင်းနှင့်ပတ်သက်ပြီး ဆွေး နွေးမှုပြုလုပ်ရန်အတွက် တရုတ် နိုင်ငံက ပြီးခဲ့သောသီတင်းပတ်တွင် တောင်းဆိုမှုပြုလုပ်ခဲ့သည်။ ယင်းမြစ်ဆုံစီမံကိန်းကို ရပ်ဆိုင်းကြောင်း မြန်မာအစိုးရက ၂၀၁၁ ခုနှစ် စက်တင် ဘာလ ၃၀ ရက်တွင် ကြေညာခဲ့သည်။
အနောက်နိုင်ငံများ၏ ပိတ်ဆို့ အရေးယူမှု ချမှတ်ခံထားရသော၊ နိုင်ငံတွင်း စွမ်းအင် သဘာဝရင်းမြစ် ပေါများကြွယ်ဝသော မြန်မာနိုင်ငံတွင် တရုတ်နိုင်ငံက ရင်းနှီးမြှုပ်နှံမှု အကြီးအကျယ် ပြုလုပ်ထားသည်။ တရုတ်နိုင်ငံ အနောက်တောင်ပိုင်းသို့ ရေနံနှင့်ဓာတ်ငွေ့ပို့လွှတ်မည့် ပိုက်လိုင်းများ တည်ဆောက်ရေးအပါ အ၀င် မြန်မာနှင့် တရုတ်အကြား နိုင်ငံရေး၊ စီးပွားရေးဆိုင်ရာ အနီးကပ် ဆက်ဆံမှုရှိခဲ့သည်။
No comments:
Post a Comment