မေလအတွင်းက နိုင်ငံတော်သမ္မတ၏ လွတ်ငြိမ်းချမ်းသာခွင့် အမိန့်ကြေညာချက်အရ အကျဉ်းထောင်မှ ပြန်လွတ်လာသူများနှင့်
လာရောက်ကြိုဆိုသူများကို အင်းစိန်ထောင်ရှေ့တွင် တွေ့ရစဉ်
မြန်မာနိုင်ငံ အကျဉ်းထောင် အသီးသီး၌ အကျဉ်းကျခံနေရသော အကျဉ်းသားများအနက် ၆၃၅၉ ဦး ကို အောက်တိုဘာလ ၁၂ ရက်နေ့ (သီတင်းကျွတ်လပြည့်နေ့)မှ စတင်ပြီး လွတ်ငြိမ်းချမ်းသာခွင့် ပြုလိုက်ကြောင်း သိရှိရပါသည်။
ထိုသို့ လွတ်ငြိမ်းချမ်းသာခွင့် မပြုမီ အောက်တိုဘာလ ၁၁ ရက် နေ့တွင် နိုင်ငံတော်သမ္မတ၏ အမိန့် ကြော်ငြာစာအမှတ် ၄၉/၂၀၁၁ကို နိုင်ငံတော်သမ္မတရုံးမှ ထုတ်ပြန်ခဲ့ပါ သည်။ အဆိုပါ ထုတ်ပြန်ချက်တွင် အပိုဒ် (၃)ပိုဒ် ပါဝင်ခဲ့ပြီး အပြည့်အစုံမှာ -
၁။ နိုင်ငံတော်အစိုးရသည် အေးချမ်းသာယာပြီး ခေတ်မီ ဖွံ့ဖြိုးတိုး တက်သော စည်းကမ်းပြည့်ဝသည့် ဒီမိုကရေစီ နိုင်ငံတော်သစ် တည်ဆောက်ရာတွင် ကောင်းမွန်သော အုပ်ချုပ်ရေး၊ သန့်ရှင်းသော အစိုးရ ဖြစ်ပေါ်ရေး၊ ဒီမိုကရေစီ ကျင့်စဉ် ထွန်းကားရေး၊ တရားဥပဒေ စိုးမိုးရေး၊ စီးပွားရေး ပြုပြင်ပြောင်းလဲရေး နှင့် သဘာဝပတ်ဝန်းကျင်ထိန်းသိမ်း ရေးလုပ်ငန်းများကို ကြိုးပမ်း လုပ်ဆောင်လျက် ရှိပါသည်။
၂။ ဤသို့ နိုင်ငံတော်သစ် တည်ဆောက်ရာတွင် နိုင်ငံတော်အေးချမ်း သာယာရေးနှင့် တရားဥပဒေစိုးမိုး ရေးအတွက် နိုင်ငံတော်သည် တည်ဆဲဥပဒေများကို ကျူးလွန်ဖောက်ဖျက်ခဲ့သူများအား တရားဥပဒေနှင့် အညီပြစ်ဒဏ်များ စီရင်ချမှတ်ခဲ့ရပါသည်။ ဤသို့ ပြစ်ဒဏ်စီရင်ခြင်း ခံရသည့် အသက်အရွယ် ကြီးရင့်သူများ၊ ကျန်းမာရေး မကောင်းသူများ၊ ကိုယ်လက်အင်္ဂါ ချို့တဲ့သူများ အပါ အ၀င် အကျဉ်းသားများ အားလုံးထဲမှ ထိုက်သင့်သော ပြစ်ဒဏ်များကို ကျခံပြီး စည်းကမ်းနှင့်အကျင့်စာရိတ္တ ကောင်းမွန်လာသော အကျဉ်းသား များအား နိုင်ငံတော် အစိုးရသည် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ၂၀၄(ခ) ပါ ပြဋ္ဌာန်းချက်နှင့်အညီ လွတ်ငြိမ်း ချမ်းသာခွင့်ပေးပြီး နိုင်ငံတော်သစ် တည်ဆောက်ရေးတွင် တစ်ဖက်တစ်လမ်းမှ အထောက်အပံ့ ဖြစ်စေသည့် နိုင်ငံသားများအဖြစ်သို့ ပြုပြင်ပြောင်း လဲပေးနိုင်ရန် အစီအမံများ စနစ်တကျ စီစဉ်ဆောင်ရွက်ပေးလိုပါသည်။
အောက်တိုဘာလ ၁၂ ရက်နေ့က အင်းစိန်ထောင်ရှေ့တွင် လာရောက် စောင့်ဆိုင်းသူများအား တွေ့ရစဉ်
၃။ သို့ဖြစ်ရာ ထိုက်သင့်သော ပြစ်ဒဏ်များကို ကျခံပြီးဖြစ်သည့် စည်းကမ်းနှင့် အကျင့်စာရိတ္တ ကောင်းမွန်လာသော အကျဉ်းသားများအား လူသားချင်း စာနာထောက်ထားမှုနှင့် သနား ချစ်ခင်မှုတို့ကို အလေးထားသည့် အနေဖြင့်လည်းကောင်း၊ ယင်းတို့၏ မိသားစုများအား ငဲ့ညှာသောအနေဖြင့် လည်းကောင်း၊ ယင်းတို့သည် နိုင်ငံတော်၏ မေတ္တာနှင့်စေတနာကို နား လည်ကြပြီးမိမိအကျိုး၊ ဒေသအကျိုး၊ နိုင်ငံအကျိုးအတွက် အများပြည်သူ နှင့်အတူ တာဝန်ထမ်းဆောင်နိုင်စေရန် အတွက်လည်းကောင်း၊ အကျဉ်း ထောင်အသီးသီးမှ ပူးတွဲအမည်စာရင်းပါ အကျဉ်းသား ၆၃၅၉ ဦးတို့ အား ပြည်ထောင်စုသမ္မတမြန်မာ နိုင်ငံတော် ဖွဲ့စည်းပုံအခြေခံဥပဒေ ပုဒ်မ ၂၀၄ (ခ)အရ ယင်းတို့ကျခံရန် ကျန်ရှိသော အပြစ်ဒဏ်များအပေါ် ၁၃၇၃ ခုနှစ် သီတင်းကျွတ်လပြည့် နေ့၊ ခရစ်သက္ကရာဇ် ၂၀၁၁ခုနှစ် အောက်တိုဘာလ ၁၂ ရက်မှစ၍ ကျခံနေရသော ပြစ်ဒဏ်အသီးသီးကို လွတ်ငြိမ်းချမ်းသာခွင့် ပြုလိုက်သည်။
ထိုအမိန့်စာကို နိုင်ငံတော်သမ္မတ ဦးသိန်းစိန် လက်မှတ်ရေးထိုးပြီး ထုတ်ပြန်ခဲ့ခြင်းဖြစ်ပါသည်။
ယခုနှစ်မေလအတွင်းက နိုင်ငံတော်သမ္မတမှ အမိန့်ကြေညာချက် တစ်ရပ်ထုတ်ပြန်ပြီး ၂၀၁၁ ခုနှစ်၊ မေလ ၁၇ ရက်နေ့မတိုင်မီ အကျဉ်း ကျခံနေရသူအနက် သေဒဏ် ချမှတ်ခံရသူများကို ထောင်ဒဏ်တစ်သက် သို့လည်းကောင်း၊ ထောင်ဒဏ် ကျခံနေရသူများအား သတ်မှတ်ထား သောထောင်ဒဏ်ကို ထောင်ဒဏ်ရရှိ ပြီးသော လျှော့ပေါ့ရက်များအပြင် တစ်နှစ် ထပ်မံလျှော့ပေါ့ရရှိစေရန် အတွက် လည်းကောင်း လွတ်ငြိမ်းချမ်းသာခွင့် ပြုသည်ဟု ထုတ်ပြန်ခဲ့ ပါသည်။
မြန်မာတစ်နိုင်ငံလုံးရှိ အကျဉ်းထောင် ၄၂ ခုနှင့် အလုပ်စခန်း ၁၀၉ ခု ရှိ အကျဉ်းသားဦးရေ ၄၀၀၀၀ ကျော်အနက်မှ နေသား ၅၀ ရာခိုင် နှုန်းမှ ၇၅ရာခိုင်နှုန်းရှိ အကျဉ်းသား များကို စိစစ်ကာ လွှတ်ငြိမ်းချမ်းသာ ခွင့်ပြုခဲ့ခြင်းဖြစ်ကြောင်း အောက်တို ဘာလ၁၂ရက်နေ့ကအင်းစိန်အကျဉ်း ဦးဌာနတွင်ပြုလုပ်ခဲ့သည့် လွတ်ငြိမ်းချမ်းသာခွင့် ရရှိသူများ၏ သြ၀ါဒခံယူပွဲတွင် ပြည်ထဲရေးဝန်ကြီးဌာန၊အကျဉ်း ဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။
နိုင်ငံတော်သမ္မတ၏ လွတ်ငြိမ်းချမ်းသာခွင့် အမိန့်အရ လွတ်ငြိမ်း ချမ်းသာခွင့်ရရှိခဲ့သော စုစုပေါင်းအကျဉ်းသား အရေအတွက်မှာ ၆၃၅၉ ဦးဖြစ်ပြီး ရန်ကုန်တိုင်းဒေသကြီး အတွင်းမှ အမျိုးသား အကျဉ်းသားစုစုပေါင်း ၅၆၄ဦးနှင့် အမျိုးသမီး အကျဉ်းသား၇၈ဦး၊ စုစုပေါင်း၆၄၂ဦးကို အောက်တိုဘာလ ၁၂ရက်နေ့အတွင်း အ သုတ်များခွဲကာစေလွှတ်ပေးခဲ့ခြင်း ဖြစ်ကြောင်း ၎င်းကပြောကြားခဲ့သည်။
“အောက်တိုဘာလ ၁၂ရက်နေ့ မှာ လွှတ်ပေးဖို့စာရင်းထွက်လာတဲ့ အကျဉ်းသားတွေကို အသုတ်လိုက် ခွဲပြီး လွှတ်ပေးခဲ့တာဖြစ်ပါတယ်။ ပထမအသုတ်မှာ ကျန်းမာရေးမကောင်းတဲ့ အကျဉ်းသားတွေ၊ အသက်အရွယ် ကြီးမြင့်သူတွေကို ဦးစားပေးအနေနဲ့ လွှတ်ပေးခဲ့ပါတယ်။ အဲဒီအသုတ်မှာ အမျိုးသမီး ၅၀၊ အမျိုးသား ၆၀ ပါပါ တယ်။ ဒါက ရန်ကုန်တိုင်းစာရင်းပါ။ ရန်ကုန်တိုင်းအတွင်းမှာ ယုံကြည်ချက်ကြောင့် အကျဉ်းကျခံနေရတဲ့ သီးသန့်အကျဉ်းသား ကျား ၆ ယောက်နဲ့ မ ၁ ယောက် ပါဝင်ပါတယ်။ သာမန်သီးသန့် အကျဉ်းသားကျား ၁၆ ယောက်၊ မ ၃ ယောက် စုစုပေါင်း ၁၉ ယောက်ပါဝင်ပါ တယ်”ဟု ပြောကြားခဲ့ သည်။
ဆက်လက်၍ ၎င်းက “ဒီထဲမှာ ယုံကြည်ချက်ကြောင့် အကျဉ်းကျခံနေရတဲ့ သာမန် အကျဉ်းသားအနည်းငယ် နဲ့ ယခင် ထောက်လှမ်းရေးဆိုင်ရာ ဆက်စပ်တာဝန် ထမ်းဆောင်သူ အချို့ ကိုလည်းတွေ့ရပါတယ်။ စာရင်းပြုစုနေတုန်း ဖြစ်တဲ့အတွက် အသေးစိတ် ပြောလို့မရသေးပါဘူး”ဟု ပြောကြားခဲ့သည်။
မြစ်ကြီးနားအကျဉ်းထောင်မှ လွတ်မြောက်သူများ ထဲတွင် ကိုသူရ (ခ)ဇာဂနာနှင့် ဦးမျိုးအောင်သန့် တို့ပါဝင်ကြောင်း သိရသည်။
စစ်တွေထောင်မှ ဗိုလ်ချုပ်ဆေထင်(SSPC ဥက္ကဋ္ဌ)လည်း လွတ်မြောက်လာကြောင်း သိရှိရပါသည်။
အင်းစိန်ထောင်မှ ယုံကြည်ချက် ကြောင့် အကျဉ်းကျခံနေရပြီး ယနေ့ နံနက် ပြန်လည် လွတ်မြောက်လာသူ များထဲတွင် NLD ပါတီဝင် ၆ ဦး လည်း ပါဝင်ကြောင်း သိရသည်။
တောင်ကြီးအကျဉ်းထောင်မှ ဦးရွှေထူး၊ ဘူးသီးတောင် အကျဉ်းထောင်မှ ကိုကိုကြီး(စမ်းချောင်း)၊ ကိုသန်းထွန်းဇေ၊ ဦးအောင်စိုး၊ ရွှေဘို အကျဉ်းထောင်မှ မလင်းလင်းမော်တို့ လွတ်မြောက်သူများထဲတွင် ပါဝင် လာကြောင်း သိရှိရပါသည်။
ခန္တီးအကျဉ်းထောင်မှ လွတ်မြောက်လာသူများထဲတွင် မစုစုနွေး လည်း ပါဝင်ကြောင်း သိရသည်။
မြန်မာနိုင်ငံတွင် လွတ်ငြိမ်းချမ်းသာခွင် ပေးခဲ့သည့် ဖြစ်စဉ်အချို့
- ၁၉၅၆ ခုနှစ် မေလ ဆဋ္ဌမ သင်္ဂါယနာတင်ပွဲနှင့် သာသနာနှစ် ၂၅၀၀ ပြည့်အဖြစ် ၀န်ကြီးချုပ် ဦးနုက အထူးလျှော့ရက်များ ထုတ်ပြန်၍ အကျဉ်းသားများကို လွတ်ငြိမ်းခွင့်ပေးခဲ့။
- ၁၉၆၃ ခုနှစ် ဧပြီလ ၃ ရက်နေ့တွင် အထွေထွေလွတ်ငြိမ်းချမ်းသာခွင့် ထုတ်ပြန်ကြေညာခဲ့သည်။ အဆိုပါအမိန့်အရ မြန်မာတစ်နိုင်ငံလုံးရှိအကျဉ်းထောင်များမှ အကျဉ်းသား ၁၂၀၀၀ ခန့် လွတ်ငြိမ်းချမ်းသာခွင့်ပေးခဲ့။ ပုဒ်မ (၅) ဖြင့် ဖမ်းဆီးထားသူ နိုင်ငံရေးသမား ၂၃ ဦး၊ သတင်းစာဆရာ ငါးဦး၊ ကျောင်းသား ၁၃ ဦး၊ ကေအင်ဒီအို ငါးဦးနှင့် တရားစွဲဆိုခြင်း ခံနေရသူလေးဦးကို လွှတ်ပေးခဲ့။ လွတ်လာသူများတွင် သခင်စိုး၏ဇနီးဟောင်း ဒေါ်နှင်းမေ၊ ဗမာပြည်ကွန်မြူနစ်ပါတီဗဟိုကော်မတီဝင် မစ္စတာရာဂျန်၊ ကရင်နီအမျိုးသားတိုးတက်ရေးပါတီ ဥက္ကဋ္ဌ မိုးကျော်(ခ)ကျော်နိုင် စသူတို့ပါဝင်။
- ၁၉၇၁ ခုနှစ် ဇွန်လ ၂၇ ရက် မြန်မာ့ဆိုရှယ်လစ်လမ်းစဉ်ပါတီ၏ ပထမအကြိမ် ညီလာခံ အထိမ်းအမှတ်အဖြစ် ရာဇ၀တ်ပြစ်ဒဏ်များကို လျှော့ပေါ့ခြင်းဆိုင်ရာကြေညာချက်ကိုထုတ်ပြန်ခဲ့။
- ၁၉၈၀ ပြည့်နှစ် မေလ ၂၈ ရက်နေ့ ရက်စွဲဖြင့် လွတ်ငြိမ်းချမ်းသာခွင့် အမိန့်ထုတ်ပြန်ခဲ့။ တစ်နိုင်ငံလုံး အကျဉ်းထောင်အသီးသီးနှင့် ရဲဘက်စခန်းမှ အကျဉ်းသား ၃၉၄၄ ဦးတို့ကို လွှတ်ပေးခဲ့။
- ၁၉၈၈ ခုနှစ်တွင် မြန်မာတစ်နိုင်ငံလုံး၌ လူထုအုံကြွမှု ဖြစ်ပွားခဲ့သောကြောင့် အကျဉ်းထောင်များမှ အကျဉ်းသားများကို ထောင်ဖွင့်လွှတ်ပေးခဲ့။ ယင်းကာလနောက်ပိုင်းတွင် ၁၉၈၈ ခုနှစ် ပြစ်မှုဆိုင်ရာ အမှုများပိတ်သိမ်းခြင်း ပြစ်ဒဏ်ကျခံနေရသူများအား ပြစ်ဒဏ်ပြောင်းလဲ လျှော့ပေါ့ခြင်းနှင့် ကြားနာစစ်ဆေးဆဲ ပြစ်မှုဆိုင်ရာ အမှုများပိတ်သိမ်းခြင်း စသည်တို့ကို ထုတ်ပြန်၍ ကန့်သတ် လွတ်ငြိမ်းချမ်းသာခွင့်ပေးခဲ့။
- ၁၉၉၂ ခုနှစ် ဧပြီလ ၂၄ ရက်နေ့တွင် ကြေညာချက်အမှတ် ၁၁/၉၂ ကိုထုတ်ပြန်၍ ပြစ်ဒဏ် ကျခံရေးရာများအနက် နိုင်ငံတော်လုံခြုံရေးကို ထိခိုက်မှုမရှိသော အကျဉ်းသား ၁၂၀၀ ကျော်ကို ပြန်လွှတ်ပေး။
- ၁၉၉၃ ခုနှစ် ဇန်န၀ါရီလ ၁ ရက်နေ့တွင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ အမိန့်အမှတ် ၁/၉၃ ဖြင့် ပြစ်ဒဏ်များ ပြောင်းလဲလျှော့ပေါ့ခြင်းဆိုင်ရာ အမိန့်ကို ထုတ်ပြန်၍ ကန့်သတ် လွတ်ငြိမ်းချမ်းသာခွင့်ပြုခဲ့။
- ၁၉၉၇ ခုနှစ်တွင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီသို့ ပြောင်းလဲဖွဲ့စည်းသည့် အထိမ်းအမှတ်အဖြစ် ပြစ်ဒဏ်များ ပြောင်းလဲ သတ်မှတ်သည့် ကန့်သတ်လွတ်ငြိမ်းချမ်းသာ ခွင့်များပေးခဲ့။
- ၂၀၀၅ ခုနှစ်တွင် ထောက်လှမ်းရေးမှ တရားစွဲဆိုပြီး ပြစ်ဒဏ်ချမှတ်ထားသည့် သူများအတွက် တရားဥပဒေနှင့်အညီမဟုတ်သော ဖမ်းဆီးထားခြင်းခံရသူများအား ပြစ်ဒဏ်မှ ကင်းလွတ် ခွင့်ပြုသည့်အမိန့်ကို ထုတ်ပြန်ကြေညာခဲ့။
Ref : မြန်မာ့ ရက်စဉ်သမိုင်း၊ မြန်မာ့ နိုင်ငံရေးစနစ် ပြောင်းကာလ(ဒုတိယတွဲ)
